ერთი წინასაარჩევნო დღე თსუ-ში.

დღეს ალბათ ჩვეულებრივი დღე იქნებოდა, რომ არა რამდენიმე შემთხვევა, რაც მეოთხე და მეექვსე აკადემიურ კორპუსებში შუადღის სამის ნახევრისთვის მოხდა.

პროტოსოციოლოგიის ლექციიდან გამოსული ერთ-ერთ ჟურნალისტ კურსელსუნდა შევხვედროდი და ინტერვიუ მიმეცა არჩევნებთან დაკავშირებით. მეექვსე კორპუსის 104 აუდიტორიაში ინტერვიუს ვაძლევდი, როცა მეგობრის რამდენიმე ზარი შემოვიდა ტელეფონზე. ნინო ისტერიული ხმით ყვირის, რომ ჩვენ პლაკატებს ხევენ.

მოკლედ, ნარინჯისფერთა მხარდამჭერებმა გადაწყვიტეს უნივერსიტეტში განთავსებულ სტენდებზე ჩვეულებრივი A4 ფორმატზე აბობეჭდილი საინფორმაციო ფურცლები გაეკრათ, რომელზეც ეწერა დრო და თარიღი სტუდენტებთან ჩვენი შეხვედრისა. თაბახები მეექვსე კორპუსის ყველა სართულზე გამოაკრეს, თუმცა სანამ მეოთხეზე ავიდოდნენ, პირველზე გაკრული ფურცლები უკლებლივ ჩამოხეული იყო და ადგილზე მხოლოდ ჭიკარტები იყო დარჩენილი.

ჩამოსახევად მორიგ შემოვლაზე მყოფთ არ გაუმართლათ, როცა მე და რამდენიმე მეგობარი შემთხვევით კორიდორში აღმოვჩნდით. თუმცა ქვემოთ ფოტოებზეც ნახავთ, რომ ნარინჯისფერი ფურცლების ჩამოგლეჯის მოსურნეები კვლავაც ემატებოდნენ მეექვსე კორპუსს.

მოგვიანებით პლაკატების ჩამომხეველ სტუდენტებს დაცვის თანამშრომლებიც მიემატნენ, რომელთაც ”ზემოდან” უბრძანეს, რომ ნარინჯისფერი პლაკატები არ უნდა გააჩერონ სტენდებზე. ამის მიზეზად კი დაგვისახელეს, რომ საჭირო იყო ნებართვა ადმინისტრაციისა.

პლაკატების გაკვრა, შეთანხმებული იყო სოც.პოლის დეკანთან, ბ-ნ ნოდარ ბელქანიასთან. ამდენად  იმის თქმა, რომ ჩვენ ადმინისტრაციასთან შეუთახმებლად რამე გავაკარით სრული სიცრუეა. თუმცა კვლავაც შევხვდით ბ-ნ დეკანს და მან კვლავ დაგვიდასტურა, რომ გვქონდა ნებართვა ნარინჯისფერი ფურცლების სტენდებზე გაკვრისა.

დაცვის თანამშრომლებთან კამათი ათიოდე წუთს გაგრძელდა. ზოგადად თსუ-ს დაცვის თანამშრომელთა ”სიკარგკაცის” ამბავი არავის გვაკვირვებს და გულწრფელად გვესმის მათი, რომლებსაც ”ზემოდან” ბრძანებისთვის ანგარიშის გაწევა უხდებათ.

მორიგი ბრალდება, რომ კანდიდატად დაურეგისტრირებელ სტუდენტებს პლაკატის გაკვრის უფლება არ აქვთ, უსამართლოა, რადგან ცისფერი პლაკატებით 2 კვირაზე მეტია უნივერსიტეტის ყველა კორპუსის სტენდი და კარებია აჭრელებული. იმის თქმაც, რომ სტენდები თვითმმართველობას ეკუთვნის, ასევე სიცრუეა, რადგან მათზე ნათლადაა მითითებული : ” სოციალურ და პოლიტიკურ მეცნიერებათა ფაკულტეტი”.

ანალოგიური შემთხვევა მოხდა მეოთხე აკადემიურ კორპუსშიც, სადაც დაცვის წევრებმა კანდიდატებად დაურეგისტრირებლობის ბრალდებით ნარინჯისფერი ფურცლები ჩამოხია, ხოლო ცისფერი პლაკატებისთვის ხელიც არ უხლიათ.

ვდგავართ რეალობის წინაშე, რომ წინასაარჩევნოდ ნებისმიერი კუთხიდან ხორციელდება ჩვენი შევიწროება და არ ხდება მხარეთა თანაბარ პირობებში ჩაყენება. ამ ორი წლის მანძილზე, მე უკვე მერამდენედ კიდევ, ერთხელ ვრწმუნდები, რომ უნივერსიტეტში სტუდენტები არათანაბარ პირობებში ვდგავართ.

შედეგად ვასკვნით, რომ ”ყველა სტუდენტი თანასწორია, თუმცა ზოგი სტუდენტი უფრო თანასწორია”.

არ გვინდა უნივერსიტეტი დაემსგავსოს ”ცხოველების ფერმას”, არ გვინდა ნარინჯისფერობა გახდეს მიზეზი დევნისა და შევიწროებისა. გამოვთქვამ იმედს და მოვუწოდებ ყველა ოპონენტსა და მეგობარს, ნუ უშლით ხელს სამართლიან არჩევნებთან მიახლოებული არჩვენების ჩატარებას.

დასასრულ ოპონენტთა და დაცვის თანამშრომელთა გმირობის ამბების ამსახველ ფოტოებს შემოგთავაზებთ.

დაცვა ამტკიცებს, რომ მათ არ ევალებათ პლაკატების ყურება

Advertisements

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s