ღია წერილი თბილისის სახელმწიფო უნივერსიტეტის სტუდენტებს.

18 მაისს თბილისის სახელმწიფო უნივერსიტეტში თვითმმართველობის არჩევნები გაიმართება. წინა წლებისაგან განსხვავებით, ‘’ერთიან სტუდენტურ მოძრაობას’’ თავისუფალი კანდიდატების სახით სოციალურ-პოლიტიკურ მეცნიერებათა ფაკულტეტზე საკმაოდ სერიოზული ძალა დაუპირისპირდება.
თავისუფალ კანდიდატებს არჩევნებში მონაწილეობის მიღება ფაკულტეტზე და ზოგადად უნივერსიტეტში არსებულმა სიტუაციამ გადაგვაწყვეტინა. მესამე მოწვევის, ანუ ამჟამინდელი თვითმმართველობა რეალურად არა სტუდენტებზე, არამედ გართობაზე ორიენტირებულ ორგანოდ გადაიქცა, რომლის მიზანსაც სტუდენტების ყურადღების რეალური პრობლემებიდან სხვა ნაკლებმნიშვნელოვან საკითხებზე გადატანა წარმოადგენს. დელეგატების 110 ადგილიდან 109-ს ერთი რომელიმე ჯგუფის მიერ მისაკუთრება ნოყიერ ნიადაგს უქმნიდა უნივერსიტეტში მონოლითური აზროვნების ჩამოყალიბებას, რის შედეგადაც გასულ წელს სიყვარულის დღეზე ამტყდარი ცემა-ტყეპა , ხოლო ორიოდ თვის წინ, სტუდენტური ბლოგის ავტორებზე განხორციელებული ძალადობა მივიღეთ. უდიდესმა სურვილმა და უნივერსიტეტის ინტერესებმა დამოუკიდებელი კანდიდატები არჩევნებში მონაწილეობაზე დაგვაფიქრა. თვით სოციალურ-პოლიტკურ მეცნიერებათა ფაკულტეტზე არავინ იყრიდა კენჭს, რომელიც თვითმმართველ ორგანოში ჩვენი, სტუდენტთა დიდი ნაწილის ინტერესების გამტარებელი იქნებოდა, ანუ მივიღებდით ახალ, დაუმარცხებლობის სინდრომით შეპყრობილ თვითმმართველობას, რომელიც საშინელებად გადააქცევდა საუნივერსიტეტო ცხოვრებას სტუდენტთა თავისუფლად მოაზროვნე ნაწილისათვის.
ორი დღეც არ გასულა ბლანკების გამოსატანად, რათა კანდიდატებად დასარეგისტრირებლად საჭირო ხმები მოგვეგროვებინა, რომ თვითმმართველობის წევრთა მხრიდან ადგილი აქვს ცილისწამებას და ტყუილის გავრცელებას დამოუკიდებელ კანდიდატთა მიმართ. მარტის ცემა-ტყეპით კარგად ცნობილ მესამე კორპუსში ‘’ერთიანი სტუდენტური მოძრაობის’’ მხარდამჭერები ავრცელებენ ხმებს, თითქოს დამოუკიდებელი კანდიდატები წარმოვადგენდეთ რომელიმე პოლიტიკური პარტიის ინტერესების გამტარებელ ჯგუფს. ჯერ იყოდა დამოუკდიებელ კანდიდატ , ლევან ლორთქიფანიძეს სომეხთა გენოციდზე გაკეთებული კომენტარის გამო, სამარცხვინოდ ‘’აბრალებენ’’ სომხობას. სამარცხვინო იმიტომ, რომ მათი ეს ცილისწამება აშკარად ქსენოფობიური ხასიათისაა. მეორეც, ხმის გავრცელება, რომ ჩვენ , დამოუკიდებელ კანდიდატთა ჯგუფი ვღებულობთ დაფინანსებას გასოლოლაკელებული მილიარდერისგან, წარმოადგენს აბსოლუტურ სიცრუესა და ცილისწამებას.
თავდასხმები, თუ შეიძლება ასე ითქვას, ინტერნეტშიც მომრავლდა. ჯერ იყო, ილია ბაბუხადიას ფბ ანგარიში გატეხეს, ხოლო ორიოდე დღის წინ ბექა გაბადაძის ანგარიშშიც შეაღწიეს, რის შემდეგაც უადმინოდ დატოვეს ფაკულტეტის ფბ ჯგუფი, ხოლო იქ მყოფ თავისუფალ კანდიდატებს ‘’ბანი’’ დაადეს.
ხაზს ვუსვამთ, რომ დამოუკიდებელ კანდიდატთა ჯგუფი არის აპარტიული საინიციატივო ჯგუფი, რომლის მიზანსაც უნივერსიტეტში არსებული მძიმე სიტუაციის შეცვლა და უნივერსიტეტის უკეთესი მომავალი წარმოადგენს. ჩვენ გვაქვს თანამედროვე , პროგრესული ხედვა უნივერსიტეტის განვითარების, მის ძლიერ საგანმანათლებლო კერად გადაქცევის თაობაზე, რისთვისაც თავისუფალ სტუდენტთა გაერთიანებაა აუცილებელი.
თვითმმართველობის თათბირები, სადაც ყოველ საღამოს განიხილავენ სოციალურ მეცნიერებათა ფაკულტეტის თავისუფალ კანდიდატთა წინააღმდეგ ბრძოლის გზებს, აშკარად კვებავს იმ ცილისწამებას , რაც ზემოთ ვახსენეთ.
დამოუკიდებელ კანდიდატთა ჯგუფი ვიმედოვნებთ, რომ მმართველი მოძრაობის წევრები არ მიმართავენ ბინძურ ხერხებს არჩევნებში გასამარჯვებლად და არ შეუშინდებიან თავისუფალ დამოუკიდებელ კანდიდატებთან სამართლიან ბრძოლაში ჩაბმას.
ერთ-ერთი თვითმმართველის სიტყვები: ‘’რა მნიშვნელობა აქვს მიშა დაგაფინანსებს თუ ბიძინა?’’ , თავისუფალი კანდიდატები ვპასუხობთ, რომ მსგავსი საკითხები თქვენთვისაა უმნიშვნელო. ჩვენთვის, უმნიშვნელოვანესია წარმოვადგენდეთ სტუდენტთა თავისუფლად და საღად მოაზროვნე ნაწილს, რომელიც არის ზეპოლიტიკური, აპარტიული და მოწოდებული თბილისის სახელმწიფო უნივერსიტეტის ღირსებისა და სტუდენტთა უფლებების დაცვისაკენ.

ოთო კობახიძე

დამოუკიდებელი კანდიდატი, სოციალურ-პოლიტიკურ მეცნიერებათა ფაკულტეტი.

Advertisements

2 thoughts on “ღია წერილი თბილისის სახელმწიფო უნივერსიტეტის სტუდენტებს.

  1. თსუს ამჯამინდელ თვითმართველობის წევრებს არ შეუძლიათ სამართლიანად,ყოველგვარი წესების დაცვით და დემოკრატიულ ჩარჩოებში გაგვიწიონ ოპონირება.გაავრცელონ ჩვენ კანდიდატებზე უარყოფითი ინფორმაცია,ხალხი ხედავს სიმართლეს და ამჩვენვს ღირსეულ კანდიდატებს!!

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s